تشيزوفرينيا وطنيه بنظره فلسفيه عبيطه
صباح الفل والياسمين
على بحرين منورين
وعلى نيل فى النص يجرى
ومقسوم فى القاهره اتنين
صباح الخير يامصر
من غير زعل ولا بهدله
هصبح وسيبك من اللى
غويين بالياس منظره
صباحك زى مقال حليم
صباح مفروش بالعذاب
انسى اللى راح ولا متنسيش
كله ياحلوه خراب فى خراب
صباحك معطر بذكر الله
مالناش فى الكون سواه
بينور دربك وبيهدى
اللى فاكرك وسيه خالته ولا باباه
صباحك يامصر احلى صباح
بشيشه قص او تفاح
متبكيش على الزمن ده خلاص
ايه يفيد البكى على اللى راح
صباحك يقول للمسا ماتجيش
ومساكى ماسك ليلك تلطيش
والظهر بقا زى العصر
وجهارك بقا زى الشيش
صباحك ماشى على مهله بطئ
مش عاوز يمشى الا بترويق
ياخد من سواق تاكسى جنيه
ولا ينفض جيب غريق
صباحك مفروش بمباحث
ومتطرتش من امن الدوله
هوا احنا فى بلد الخير
ولا احنا فى حته تانيه
جميله جدااااااا
ردحذف