كش ماك ومات الوزير ياقرموطى

يحيا الملك ويعيش الوزير

بس مين الملك

وفين هوا الوزير

دى لعبه شطرنج وملعوبه

على علبه من صوف وحرير

****

قالولو يلا نحكم

قال وايه المانع

 

لاهوا عارف مين هيحكم

وليه يعرف ماهو سامع

عايش ولا دارى باحوالنا

 

ماحنا عساكر فى الصف الاول

متقيد حركتنا وحركاته

يبقى يفيدنا بايه الدافع

****

ووزيرنا مبيحارب غيرنا

علطول فى الاكل واكيل

وكان اللعبه ياخوانا

مافيهاش ولا طابيه ولا فيل

ولو مره اتكش الملك

يبقى ياقرموطى مات الوزير

****

قال بيقولو السر فى خطه

خطه نسياااااااان مدروسه

مالعبهاش الروسى زمان

بس اتلعبت فوق ارؤسنا

****

الخطه زى مابتقول

جندى شجاع اللى بيتقدم

جندى وراه كرباج وبيلسع

لابينفع يخرج م اللعبه

ولا حتى من الحركه بيرجع

يبقى الحل بقا ياخوانا

موته ربنا اهى جياله

****

اسعارنا رخيصه واحلى كلام

تقدر تشترى مليون منا

اهى دخله اسعد على باكينام

بتجيب الراجل وف تسعه

يبقى اتحت فى خانه الجندى

وادى جنودنا مابتخلص

****

نروح ياجماعه لسر الخلطه

حبه مستكه على بهارات

قال بيقولو اننا فى تقدم

ومابيشبعو اصدار قرارات

مره بنشجب مره نعاتب

ومافيش مره يلا نحارب

واحنا وراهم سمع وطاعه

واسرارهم دايما فى البير

ولو مره انكش الملك

يبقى ياقرموطى مات الوزير