هوا إحنا ليه دايما متهزئين ومسبوبين من ولاد ستين فى سبعين

 

من اول مبفتح الدش لحد ماتخنق واقفل النت كل اللى يسوى واللى مايسواش عمال يجيب فى سيره مصر

بصرف النظر عن صحه كلامهم من عدمه لكن اشمعنا مصر .....اشمعنااااااااااااااااا مصر

احنا دوله كبيره ومؤثره والكل مستنى مننا كتير..........جميل مفيش مشكله

احنا الدوله الوحيده اللى الناس من كل حته فى العالم بتيجى تزورها وشعبها طهقان من امها ومبيصدق انه طفش فبيحلف انه مش راجع تانى للغلب اللى كان شايفه فيها..... عادى بردو

احنا اكتر شعب سلبى فى الدنيا ومايهمنا غير لقمه العيش حتى لو من غير كرامه.......طبيعى

كل الناس بتدافع عن اهل بلدها وعشيرتها واحنا عمالين ناكل فى بعض وفين فى الغربه.......ظروف وهتعدى

علشان فى بلدنا الحرامى راكب ومدلدل رجليه ولا حد بيكلمه.........

ولا علشان الشريف اللى فينا اتبناله شقه فى ابو زعبل ولا تره .....

يمكن علشان البنات اللى بتستعرض نفسها فى الشوارع ولا همها اخلاق ولا دين " طبعا مش كلهم "

لا دا ممكن علشان الولاد اللى معادوش بيفرقو بين المحترمه  واللى مش محترمه وعمالين تحرش فى تحرش كانه دوا قبل الفطار وبعد العشا

لالالالالا دا اكيد علشان الريس متقال مش قادر يفهم ان صوته بقا وحش وكل الشعب بيكرهه

ولا يمكن علشان كل اللى هب ودب عمال بيفتى فى كل حاجه وهوا مش فاهم اى حاجه واتحدى ان اى مصرى يتسال سؤال يقول معرفش

بقا دى بالزمه مبررات كافيه ان حد يهاجم مصر علطول

الناس اللى بيهاجمو مصر دول منافقييييييييييييييييين بقا بعد الكلام ده حد يقدر يهاجم مصر شعبا وحكومه