بلدنا بتتقدم بينا ومحلاها عشت الحموريه
مشهد مكرر من فيلم كل يوم بعد مسلسل كل يوم فى نفس توقيت كل يوم وهيا هيا كلمات كل يوم
بلدنا بتتقدم بينا...................
ولما جينا نشوف ازاى بتتقدم بينا اكتشفنا الآتى
اولا.......
المشاركه الفعاله فى حوادث الاغتصاب والتحرش اللى ماليا البلد على النحو التالى
المشهد الاول..." حادثه تحرش " بمشاركه كل طوائف الشعب عمال , فلاحين , مستقلين , رجال شرطه
شخصيات المشهد
الابطال
البنت شكلها يخض بس جسمها انثوى جدا خرجت النهارده علشان تستعرض جسمها فى ميدان عام
صدفه " زى الافلام العربى " شاب لسه حالا متفرج على هيفاء وهبى وطالع من بيته ناااااااااار
الكومبارس
خمسين ستين شاب برده لسه متفرجين على هيفاء وهبى بس فيهم واحد اتفرج على نانسى
الاحداث
البنت ماشيه بكل دلال و البطل مش واخد باله من وشها خاااالص بس واخد باله من حاجات تانيه
يتعرف بالصدفه على الخمسين شاب وبقررو يروحو يكلموها دفعه واحده "لحد دلوقتى مافيش غلط "
البنت تتغر ف نفسها وترفض تكلمهم وهما خلاص تعبو م اللى البنت مش لابساه
يقوم الوضع يتغير وتبدا احداث الفيلم العالمى انا اتحرش اذا انا انسان محبط اذا انا مصرى بجد
وللحبكه الدراميه والاثاره الهنديه والواقعيه الافلاطونيه يشاهد رجال الشرطه هذه الواقعه ويتالمون لما يحدث وده اضعف الايمان
ينتهى الفيلم عندما يقرر احد الناس الطيبين انه يدافع عن البنت
يتهاوى ستار المسرح ف النزول عندها ينطق كل ممثلى المشهد بصوت واحد
بلدنا بتتقدم بينا...................تنزل الستاره وتصفيق حاد من الجماهير مع انه مكنش فيه حد بيتفرج كله كان شغال
وللحديث بقيه انشاء الله
جامد جدا جدا و الله رائع و الواقعية دي احسن وسيلة لمناقشة مشكلة
ردحذف